ڀارت جي غيرقانوني طور تي والاريل ڄمون ۽ ڪشمير جي تڪرار جي حل لاءِ او آءِ سي جي اصولي موقف ۽ مسلسل حمايت کي ساراهيون ٿا: وزيراعظم محمد شهباز شريف

APP70-121222 ISLAMABAD: December 12 - Secretary General of Organization of Islamic Cooperation, Hissein Brahim Taha calls on Prime Minister Muhammad Shehbaz Sharif. APP/FHA/MOS

اسلام آباد – 12 – ڊسمبر (اي پي پي) وزيراعظم محمد شهباز شريف چيو آهي ته ڀارت جي غيرقانوني طور تي والاريل ڄمون ۽ ڪشمير جي تڪرار جي حل لاءِ اسلامي تعاون تنظيم جي اصولي موقف ۽ مسلسل حمايت کي ساراهيون ٿا، ان سان ڪشميرين جي خودمختياري جي حق جي منصفاڻي جدوجهد جي لاءِ هڪ مضبوط پيغام ويندو جڏهن ته او آءِ سي جي سيڪريٽري گڏيل قومن جي سلامتي ڪائونسل جي لاڳاپيل قراردادن تحت ڪشمير تڪرار جي حل لاءِ او آءِ سي جي مڪمل حمايت کي ورجايو. وزيراعظم آفيس جي ميڊيا ونگ پاران جاري بيان موجب وزيراعظم محمد شهباز شريف سان او آءِ سي جي سيڪريٽري جنرل حسين ابراهيم طحيٰ ملاقات ڪئي. او آءِ سي جو سيڪريٽري جنرل نومبر 2021ع ۾ عهدو سنڀالڻ کانپوءِ پنهنجي پهرين ملڪي دوري تي پاڪستان جو دورو ڪري رهيو آهي. ملاقات ۾ ڀارت جي غيرقانوني طور تي والاريل ڄمون ۽ ڪشمير ۾ انساني حقن ۽ انساني صورتحال جي سنگين صورتحال کي اجاگر ڪندي وزيراعظم شهباز شريف گڏيل قومن جي سلامتي ڪائونسل جي لاڳاپيل قراردادن موجب ڪشميري عوام جي خواهشن تحت ڄمون ۽ ڪشمير تڪرار جي حل لاءِ او آءِ سي جي اصولي موقف ۽ مستقل حمايت کي ساراهيو. سيڪريٽري جنرل جي آزاد ڄمون ۽ ڪشمير ۽ لائين آف ڪنٽرول (ايل او سي) جي تاريخي دوري جي آجيان ڪندي وزيراعظم ان ڳالهه تي زور ڏنو ته ان جي دوري سان ڪشميري عوام جي خودمختياري جي حق جي منصفاڻي جدوجهد ۾ او آءِ سي جي حمايت جو هڪ مضبوط پيغام ويندو. وزيراعظم فلسطيني عوام ۽ فلسطيني ڪاز جي لاءِ پاڪستاني عوام ۽ حڪومت جي اڻٿڪ حمايت کي پڻ ورجايو. هن ان ڳالهه کي ورجايو ته فلسطين مسئلي جو ڪو به حل 1967ع کان اڳ جي سرحد تي ٻڌل هجڻ گهرجي جنهن جو گادي وارو شهر القدس شريف هجي. ان ڳالهه جو اعتراف ڪندي ته او آءِ سي ڊسمبر 2021ع ۾ اسلام آباد ۾ او آءِ سي پرڏيهي وزيرن واري ڪائونسل (سي ايف ايم) جي غيرمعمولي اجلاس کانپوءِ کان افغانستان سان رابطا وڌائي ڇڏيا آهن. وزيراعظم چيو ته سيڪريٽري جنرل انساني چئلينجن کي منهن ڏيڻ ۽ ان جي خاتمي لاءِ ڪوششون تيز ڪري جن کي افغانستان جي عوام منهن ڏئي رهيو آهي. وزيراعظم وڌندڙ مسلم دشمني ۽ نبي ڪريم ﷺ جي حرمت جي پائمالي ڪرڻ جي ڪوششن جو مقابلو ڪرڻ جي ضرورت کي ورجايو. هن اسلامو فوبيا جي مهم جي تيز ٿيڻ تي ڳڻتي جو اظهار ڪيو، خاص طور تي اسان جي خطي ۾ جتي مسلمان ۽ اسلام مخالف ايجنڊا کي رياستي پاليسي جي هڪ هٿيارن طور استعمال ڪيو پيو وڃي. او آءِ سي جو سيڪريٽري جنرل گڏيل قومن جي سلامتي ڪائونسل جي لاڳاپيل قراردادن موجب ڄمون ۽ ڪشمير تڪرار جي حل لاءِ او آءِ سي جي مڪمل حمايت کي ورجايو. هن پاڪستان ۾ تازي ٻوڏ سان ٿيندڙ جاني ۽ مالي نقصان تي پڻ تعزيت جو اظهار ڪيو. سيڪريٽري جنرل وزيراعظم کي او آءِ سي جي پرڏيهي وزيرن واري ڪائونسل (سي ايف ايم) جي چيئرمين طور پاڪستان جي باقي مدت دوران او آءِ سي سيڪريٽريٽ پاران مڪمل حمايت ۽ تعاون جو يقين ڏياريو.

مضمون کا ماخذ : نتیجہ میگا سینا

متعلقہ مضامین