سرکاری افسراں کوں معیاری تربیت ، مسئلے حل کرݨ دیاں مہارتاں ݙتیاں ونڄن ، صدر مملکت

President Dr Arif Alvi chairing the 23rd meeting of the Board of Governors of the National School of Public Policy, at Aiwan-e-Sadr, Islamabad, on August 31, 2023.

اسلام آباد۔31اگست(اے پی پی) صدر مملکت ڈاکٹر عارف علوی سرکاری افسراں کوں معیاری تربیت ݙیوݨ تے انہاں دے مسئلے حل کرݨ ، تکھے فیصلہ سازی اتے وسائل دے موثر انتظام جیہاں ضروری مہارتاں توں آراستہ کرݨ دی لوڑھ تے زور ݙتے تاں جو چنڳی حکمرانی کوں یقینی بݨایا ونڄ سڳے ۔ انہاں آکھیے بیوروکریسی کوں لوکاں دی ضروریات کیتے زیادہ ذمہ وار ہووݨا چاہیدے تے ملک کوں مختلف شعبیں بالخصوص صحت، تعلیم اتے کمیونٹی سروسز اچ پیش آندے مسئلے مکاوݨ تے توجہ ݙیوݨی چاہیدی اے ۔ صدر مملکت اے ڳالھ ایوان صدر اچ نیشنل سکول آف پبلک پالیسی (این ایس پی پی) دے بورڈ آف گورنرز دے 23 ویں اجلاس دی صدارت کریندے ہوئیں آکھی اے ۔اجلاس اچ سیکرٹری اسٹیبلشمنٹ ڈویژن انعام اللہ خان دھاریجو، ریکٹر این ایس پی پی ڈاکٹر اعجاز منیر اتے بورڈ آف گورنرز دے ٻئے ممبراں شرکت کیتی ۔ اجلاس اچ صدر سرکاری ملازمین کوں تحقیق اتے معیاری تربیت ݙیوݨ کیتے مختلف قومی اتے بین الاقوامی اداریں اتے تعلیمی اداریں نال رل تے کوششاں کرݨ دی لوڑھ تے زور ݙتا ۔

مضمون کا ماخذ : اولمپس کا عروج

متعلقہ مضامین