وزيراعظم عمران خان جي حڪومت ان حقيقت کان آگاهه آهي ته ڪاروبار ۾ آسانين سان پاڪستان ۾ سيڙپڪاري جي حوصلا افزائي ٿيندي: صدر

APP55-09 DUBAI: October 09 - President Dr Arif Alvi addressing the investment conference hosted by Special Technology Zones Authority. APP

دبئي – 09 – آڪٽوبر (اي پي پي) صدر ڊاڪٽر عارف علوي چيو آهي ته وزيراعظم عمران خان جي حڪومت ان حقيقت کان آگاهه آهي ته ڪاروبار ۾ آسانين سان پاڪستان ۾ سيڙپڪاري جي حوصلا افزائي ٿيندي، پاڪستان پنهنجي عوام کي ڊيجيٽل لحاظ کان بااختيار بڻائڻ جي لاءِ خاص ڌيان ڏئي رهيو آهي ته جيئن انهن کي انفارميشن ٽيڪنالاجي جي شعبي ۾ معاشي ترقي مان فائدا حاصل ڪرڻ جي قابل بڻائي سگهجي. اسپيشل ٽيڪنالاجي زون اٿارٽي جي اهتمام هيٺ سيڙپڪار ڪانفرنس کي خطاب ڪندي صدر چيو ته حڪومت آءِ ٽي جي شعبي کي ترقي ڏيڻ ۽ مضبوط بڻائڻ جي لاءِ ڪوششون ڪري رهي آهي ته جيئن انفارميشن ٽيڪنالاجي جي ”فورٿ ريولوشن“ جي چئلينجز کي منهن ڏئي سگهجي. صدر حڪومت جي ڪوششن تي اطمينان جو اظهار ڪندي چيو ته انهن ڪوششن جي ڪري گذريل سال انفارميشن ٽيڪنالاجي برآمدات 50 سيڪڙو کان وڌيڪ رهي. هن چيو ته پاڪستان 20 ڪروڙ آبادي رکندڙ ملڪ آهي جنهن جي آبادي جو هڪ وڏو حصو نوجوانن تي ٻڌل آهي. هن اڀرندڙ شعبن ۾ شاندار ڪارڪردگي تي اطمينان جو اظهار ڪيو. صدر چيو ته وزيراعظم عمران خان جي حڪومت ان حقيقت کان آگاهه آهي ته ڪاروبار ۾ آسانين سان پاڪستان ۾ سيڙپڪاري جي حوصلا افزائي ٿيندي. اسپيشل ٽيڪنالاجي زون اٿارٽي تحت آءِ ٽي جي شعبي ۾ بهتري جي لاءِ ون ونڊو آپريشن ذريعي قانونسازي هڪ اهم قدم آهي. ان سان انفارميشن ٽيڪنالاجي فورٿ ريولوشن جي چئلينجز کي منهن ڏيڻ ۾ مدد ملندي. ڊاڪٽر عارف علوي چيو ته حڪومت ڌرين سان گڏجي ڪم ڪري رهي آهي ۽ غيرملڪين جي پاڪستان ۾ سيڙپڪاري جي حوصلا افزائي جي لاءِ شاندار پاليسيون ٺاهي رهي آهي. ان موقعي تي صدر ٽيڪنالاجي ۽ ڊيٽابيس ۾ خاص ڌيان ڏيندي انساني ترقي جي اهميت تي زور ڏنو. هن چيو ته پاڪستان ۾ سياحت جو شعبو وڌي ويجهي رهيو آهي جنهن سان معاشي ترقي ٿيندي.

مضمون کا ماخذ : ولف گولڈ

متعلقہ مضامین