عمران خان معاشي تباهي، مهانگائي ۽ بيروزگاري تي عوامي مجرم آهي: مريم اورنگزيب

اسلام آباد – 17 – مئي (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته عمران خان معاشي تباهي، مهانگائي ۽ بيروزگاري تي عوامي مجرم آهي، کيس جواب ڏيڻو پوندو. پنهنجي ٽوئيٽ ۾ هن چيو ته عمران خان تماشو ڪري ۽ ڪوڙ ڳالهائي عوام تي جيڪو ظلم ڪيو، ان جي جواب کان هو ڀڄي نٿو سگهي. وفاقي وزير پنهنجي ٽوئيٽ ۾ 2018ع ۾ مسلم ليگ (ن) ۽ 2022ع ۾ پي ٽي آءِ جي حڪومتي دور دوران ملڪي ترقي جي حوالي سان انگن اکرن جو چارٽ به شيئر ڪيو، ان چارٽ موجب 2018ع ۾ ڊالر جي قيمت 116 روپين کان وڌي 2022ع ۾ 189 روپيا ٿي وئي، قومي ترقي جي رفتار 6.1 سيڪڙو کان گهٽجي 4 سيڪڙو (امڪاني)، مهانگائي 39. سيڪڙو کان وڌي 13 سيڪڙو، غذائي مهانگائي 2.3 سيڪڙو کان وڌي 15 سيڪڙو، آٽو 20 ڪلو 700 روپين مان وڌي 1100 روپيا، کنڊ في ڪلو 53 روپين مان وڌي 90 روپيا، گيهه في ڪلو 151 روپين مان وڌي 470 روپيا، بجلي في يونٽ 11 روپين مان وڌي 25 روپيا، گئس 600 روپيا ايم ايم بي ٽي يو مان وڌي 1400 روپيا ايم ايم بي ٽي يو، يوريا ٻوري جي قيمت 1380 روپين کان وڌي 1918 روپيا (3 هزار تائين به وڪرو ٿي)، مالي خسارو 2260 ارب روپين مان وڌي 5600 ارب روپيا (امڪاني)، واپاري خسارو 30.9 ارب ڊالر مان وڌي 43 ارب ڊالر، جي ڊي پي ۽ ٽيڪس جو تناسب 11.1 سيڪڙو کان گهٽ ٿي ڪري 9.2 سيڪڙو، حڪومتي قرض 1947ع کان وٺي 2018ع تائين 24953 ارب روپين مان وڌي ساڍا ٽن سالن ۾ 42745 ارب روپيا، بيروزگارن جو تعداد 35 لک کان وڌي 95 لک ٿي ويو جنهن ۾ 60 لک بيروزگارن جو اضافو ٿيو، اهڙي طرح ٽرانسپيرنسي انٽرنيشنل جي ڪرپشن تي اسيپشن انڊيڪس رينڪنگ 117 کان وڌي 140 ٿي، ڪرپشن ۾ 23 سيڪڙو اضافو ٿيو، چار سالن ۾ غربت جي لڪير کان هيٺ ماڻهن جي تعداد ۾ 2 ڪروڙ ماڻهن سميت 1.3 ڪروڙ ٻارن جو اضافو ٿيو.

مضمون کا ماخذ : آزاد کشمیر لاٹری

متعلقہ مضامین