مودي جو نظريو نسلي ۽ مذهبي نفرت جي مهم کانسواءِ ڪجهه نه آهي: شبلي فراز

APP80-03 ISLAMABAD: September 03 - Federal Minister for Information and Broadcasting Senator Shibli Faraz addressing the seminar on India, Epicenter of Islamophobia. APP

اسلام آباد – 03 سيپٽمبر (اي پي پي) اطلاعات ۽ نشريات واري وفاقي وزير سينيٽر شبلي فراز چيو آهي ته ڀارت ۾ 2014ع ۾ وزيراعظم نريندر مودي جي قيادت ۾ ڀارتي جنتا پارٽي جي اقتدار ۾ اچڻ سان هيستائين مسلمانن لاءِ خطرن ۾ اضافو ٿيو آهي، مودي جو نظريو نسلي ۽ مذهبي نفرت جي مهم کانسواءِ ڪجهه نه آهي، ڀارتي وزيراعظم جي هندوتوا ۽ فاشزم تي ٻڌل نظريا امن لاءِ خطرو آهن، ڀارتي وزيراعظم کي سمجهڻ گهرجي ته ڀارت ۾ اقليتون مذهبي نفرت کان تحفظ ۽ مذهبي آزادي جو برابر حق رکن ٿيون. اهڙن خيالن جو اظهار هن ڀارت ۾ اسلامو فوبيه جي موضوع تي سيمينار کي خطاب ڪندي ڪيو. هن چيو ته نريندر مودي فاشسٽ آر ايس ايس جي تربيت يافته هو جيڪو نسلي برتري جي نظريي تي يقين رکي ٿو ۽ هن مسلمانن ۾ خوف پکيڙي پنهنجو ووٽ بئنڪ ۾ وڏي پئماني تي اضافو ڪيو، هن چيو ته اسلامو فوبيا جو تصور هڪ مشڪل حقيقت رهيو آهي تنهن هوندي به تازو ئي ڀارتي وزيراعظم نريندر مودي ان کي هڪ هٿيار طور تي استعمال ڪري رهيو آهي جيڪو ان جي سياسي تسلسل جو آئنيدار آهي، 2014ع ۽ 2019ع ۾ چونڊن ۾ هن ڪاميابي حاصل ڪئي جيتوڻيڪ هو 2002ع ۾ گجرات فسادن ۾ اڻ ڳڻين مسلمانن جي وحشياڻي قتل جو ماسٽر مائينڊ هو، ان مان واضح طور تي ظاهر ٿئي ٿو ته ڀارت نام نهاد سيڪيولر رياست مان صرف هندو ملڪ بڻجڻ طرف تيزي سان وڌي رهيو آهي، هن چيو ته مودي کي اسلامو فوبيه بابت پنهنجي ناپاڪ ارادن تي سوچ ويچار ڪرڻ گهرجي ۽ کيس عالمي امن کي داءُ تي نه لڳائڻ گهرجي.

مضمون کا ماخذ : نتیجہ لوٹومینیا

متعلقہ مضامین