عام ماڻهو ۽ گهٽ آمدني واري پگهاردار طبقي کي پهريون ڀيرو پنهنجو گهر ٺاهڻ جو موقعو فراهم ڪري رهيا آهيون: وزيراعظم عمران خان

APP60-241221 ISLAMABAD: December 24 Prime Minister Imran Khan addressing at Mera Pakistan Mera Ghar ceremony. APP

اسلام آباد – 24 ڊسمبر (اي پي پي) وزيراعظم عمران خان چيو آهي ته عام ماڻهو ۽ گهٽ آمدني واري پگهاردار طبقي کي پهريون ڀيرو پنهنجو گهر ٺاهڻ جو موقعو فراهم ڪري رهيا آهيون ۽ اهو هڪ تاريخي لمحو آهي، تعميراتي شعبي جي فروغ سان اسان جي معيشت گهڻي بهتر ٿيندي ۽ پگهاردار طبقي جو پنهنجي گهر جو خواب پورو ٿيندو، ٻاهرين ملڪ رهندڙ پاڪستاني محنت ڪري پئسو جمع ڪندا آهن انهن جي به خواهش اها ئي هوندي آهي ته هو پنهنجو گهر ٺاهي سگهن، ملڪ ۾ اشرافيه جي سوچ رکندڙ ملڪ کي تمام گهڻو نقصان پهچايو، 22 ڪروڙ جي پاڪستان کي وڌيڪ مضبوط هجڻ گهربو هو. اهڙن خيالن جو اظهار وزيراعظم عمران خان ”منهنجو پاڪستان منهنجو گهر هائوسنگ قرضه اسڪيم“ جي تقريب کي خطاب ڪندي ڪيو. وزيراعظم چيو ته اسٽيٽ بئنڪ جو گورنر ۽ نئون پاڪستان هائوسنگ اٿارٽي جو چيئرمين مبارڪباد جا مستحق آهن جنهن جي محنت سان عام ماڻهو ۽ پگهاردار طبقي کي پنهنجي گهر جي سهولت لاءِ آسان قرضن جي فراهمي کي ممڪن بڻايو ويو آهي. وزيراعظم چيو ته جهڙوڪ ناڻي واري صلاحڪار ٻڌايو ته ان حوالي سان 1990ع کان قانوني رڪاوٽون هيون، اهو ڪم تمام گهڻو پهرين ٿيڻ گهربو هو، وزيراعظم چيو ته جڏهن آئون ڪرڪيٽ کيڏندو هئس ته ٻاهرين ملڪ پاڪستانين سان رابطو رهندو هو، انهن جي خواهش صرف اها هوندي هئي ته هو پنهنجو ايترو پئسو ڪمائي وٺن ته جيئن ملڪ ۾ پنهنجو گهر ٺاهي سگهن، ماضي ۾ حڪومتون ان طرف ڌيان نه ڏنو، ٻاهرين ملڪن ۾ پگهاردار طبقي کي اتي جون حڪومتون قرض جي سهولت ڏينديون آهن. وزيراعظم چيو ته حڪومتن ۽ فيصلا سازن ان باري ۾ ناهي سوچيو ۽ ملڪ ۾ اشرافيه جي سوچ رکندڙن ملڪ کي تمام گهڻو نقصان پهچايو جنهن جي ڪري ملڪ ڪمزور کان ڪمزور ٿيندو ويو ۽ اشرافيه باهرين ملڪ پئسو ٺاهيو، سرڪاري اسپتالن ۾ معياري علاج ٿيندو هو پر آهستي آهستي نجي اسپتالن جي ڀرمار سان سرڪاري اسپتالن جي حالت خراب ٿي وئي ڇو ته اشرافيه ان طرف ڌيان نه ڏنو ڇو ته هو علاج ئي ٻاهرين ملڪ مان ڪرائيندي هئي، وزيراعظم عمران خان چين جي ترقي جي مثال ڏيندي چيو ته چين ۾ هيٺين طبقي کان مٿئين طرف ترقي ٿي، پاڪستان ۾ بي پناهه صلاحيت آهي پر بدقسمتي سان ڪمزور طبقن کي اهميت نه ڏني وئي، مون کي خوشي آهي ته عام ماڻهو ۽ پگهاردار طبقي کي پهريون ڀيرو گهر ٺاهڻ جو موقعو فراهم ڪري رهيا آهيون، هن چيو ته ان کان اڳ بئنڪن ۾ اهڙو نظام ئي نه هو جنهن سان عام ماڻهو پهچ حاصل ڪري سگهي پر هاڻي بئنڪن پنهنجي نظام ۾ بهتري آندي آهي جنهن جي ڪري 6 مهينن جي عرصي ۾ قرض ملڻ شروع ٿي ويا آهن، وزيراعظم بئنڪن تي زور ڏنو ته هو وڌيڪ مارڪيٽنگ ڪن ۽ پنهنجي نظام کي عام ماڻهو جي پهچ لاءِ بهتر بڻائين، ايندڙ ڏينهن ۾ تمام وڏي تبديلي اچڻ واري آهي جنهن سان هڪ طرف ڪمزور طبقي کي گهر ميسر ايندو ۽ تعميراتي شعبي جي فروغ سان اسان جي معيشت تيزي سان اڳتي وڌندي، ان موقعي تي وزيراعظم عمران خان قرض حاصل ڪندڙ ماڻهن کي گهرن جون چاٻيون ۽ نمايان ڪارڪردگي ڏيکاريندڙ بئنڪن جي چيف ايگزيڪيٽو آفيسرن ۾ سندون ورهايون. تقريب کي ناڻي واري صلاحڪار شوڪت ترين، اسٽيٽ بئنڪ جي گورنر رضا باقر ۽ نئون پاڪستان هائوسنگ اٿارٽي جي چيئرمين انور علي حيدر به خطاب ڪيو. ا

مضمون کا ماخذ : لوٹومینیا کے نتیجے میں پچھلے حصے

متعلقہ مضامین