پاڪستان ۾ ڇاتي جي ڪينسر ۾ مبتلا عورتن جو تعداد ٻين ملڪن جي مقابلي ۾ وڌيڪ آهي: خاتون اول بيگم ثمينه عارف علوي

APP37-030222 LAHORE: February 03 - Begum Samina Arif Alvi addressing the gathering during Awareness Seminar on Breast Cancer at National college of Arts. APP

اسلام آباد – 03 فيبروري (اي پي پي) خاتون اول بيگم ثمينه عارف علوي چيو آهي ته ڇاتي جي ڪينسر بابت وڏي پئماني تي ماڻهن ۾ آگاهي پيدا ڪرڻ وقت جي اهم ضرورت آهي، پاڪستان ۾ ڇاتي جي ڪينسر ۾ مبتلا عورتن جو تعداد ٻين ملڪن جي مقابلي ۾ وڌيڪ آهي، ڇاتي جي ڪينسر جي وڌندڙ شرح کي روڪڻ لاءِ جامع حڪمت عملي جي ضرورت آهي، وقت سر سڃاڻپ ۽ علاج سان ان مرض کان بچي سگهجي ٿو، حڪومت عورتن کي پاڻڀرو بڻائڻ لاءِ سمورا وسيلا استعمال ۾ آڻي رهي آهي. هن اهڙن خيالن جو اظهار نيشنل ڪاليج آف آرٽس ۽ پنڪ ربن جي اهتمام هيٺ ڇاتي جي ڪينسر کان بچاءُ جي موضوع تي منعقد هڪ سيمينار ۾ خاص مهمان جي حيثيت سان خطاب ڪندي ڪيو. خاتون اول بيگم ثمينه عارف علوي چيو ته معاشري جو اهم حصو هجڻ جي ناطي صحتمند عورتون ئي ملڪي ترقي ۾ پنهنجو ڪردا ادا ڪري سگهن ٿيون، ان لاءِ عورتون ڇاتي جي ڪينسر جهڙي موذي بيماري کان تحفظ حاصل ڪرڻ لاءِ هر مهيني باقاعدگي سان پنهنجو معائنو ڪرائين. هن چيو ته عورتن ۾ ڇاتي جي ڪينسر سان موت جو بنيادي سبب ان موذي مرض جي وقت سر سڃاڻپ نه ٿيڻ آهي ڇو ته شروعاتي مرحلي ۾ سڃاڻپ ٿيڻ سان اهو مرض 98 سيڪڙو تائين قابل علاج آهي، دير سان سڃاڻپ جي ڪري اها بيماري عورتن جي لاءِ خطرناڪ ثابت ٿيندي آهي ان لاءِ ڪنهن به علامت جي ظاهر ٿيڻ جي صورت ۾ معائنو ڪرائڻ انتهائي ضروري آهي. هن چيو ته سڄي دنيا ۾ عورتن جي موت جي سببن مان هڪ ڇاتي جو ڪينسر آهي، ترقي يافته ۽ اسرندڙ ملڪن ۾ اهو مرض وڌي رهيو آهي، ثمينه عارف علوي چيو ته پاڪستان ۾ هر سال 90 هزار عورتن ۾ ڇاتي جي ڪينسر جي سڃاڻپ ٿيندي آهي جنهن سان ڪيتريون ئي عورتون موت جي منهن ۾ هليون وينديون آهن، جنهن جو وڏو سبب ڇاتي ۾ ٿيندڙ تبديلين کي نظرانداز ڪرڻ ۽ ڊاڪٽر سان رجوع ڪرڻ ۾ دير ڪرڻ آهي، ڇاتي جي ڪينسر جي وقت سر سڃاڻپ ضروري آهي، شروعاتي مرحلي ۾ ڇاتي جي ڪينسر جي سڃاڻپ سان علاج آسان ۽ مڪمل شفا ممڪن آهي ان لاءِ پنهنجي ڇاتي ۾ ڪنهن به قسم جي غير معمولي تبديلي جي صورت ۾ فورن ڊاڪٽر سان رابطو ڪرڻ گهرجي ۽ ڪنهن به قسم جي گهٻرائٽ نه ڪرڻ گهرجي. خاتون اول چيو ته 40 سالن کان گهٽ عمر جون عورتون باقاعدي سان پنهنجو معائنو پاڻ ڪن، 40 سالن کان وڌيڪ عمر جي عورتن کي باقاعدگي سان هر سال ميمو گرافي ڪرائڻ گهرجي، عورتون سڄي مهيني ۾ صرف پنج منٽ پنهنجو قيمتي وقت ڪڍي پنهنجو معائنو ڪرائين ته جيئن ان موذي مرض کان بچي سگهجي. هن وڌيڪ چيو ته ڏورانهن علائقن ۾ جتي عورتن جي سوشل ميڊيا تائين پهچ نه آهي، عورتن کي ٽيليفون ميسيج جي ذريعي آگاهي ملي رهي آهي، ان سلسلي ۾ پرنٽ ۽ اليڪٽرانڪ ميڊيا جي ڪردار کي به ساراهيندي چيو ته ميڊيا کي ڇاتي جي ڪينسر جي سببن، علاج ۽ بچاءُ جي باري ۾ ماڻهن ۾ آگاهي پيدا ڪرڻ ۾ ميڊيا کي پنهنجو موثر ڪردار ادا ڪرڻو پوندو. پاڪستان ۾ آگاهي نه هجڻ جي ڪري ڇاتي جي ڪينسر جي شرح وڌيڪ آهي، الله تعاليٰ جو شڪر آهي ته مختلف اين جي اوز سان گڏجي اسان ان موذي مرض کان بچاءُ لاءِ سڄي ملڪ ۾ آگاهي مهم شروع ڪئي آهي جنهن جا مثبت نتيجا اچڻ شروع ٿي ويا آهن ۽ هاڻي ماڻهن ۾ اهو احساس ٿيڻ شروع ٿي ويو آهي ته ڇاتي جي ڪينسر سماجي بدنامي نه پر هڪ موذي بيماري آهي. ان کان اڳ ثمينه عارف علوي نيشنل ڪاليج آف آرٽس جي ٽولٽن مارڪيٽ آرٽ گئلري جو دورو ڪيو، ان کانپوءِ خاتون اول ڪاليج آف آرٽس اينڊ ڊزائين يونيورسٽي آف پنجاب جي اهتمام هيٺ منعقد تصويري نمائش جو افتتاح ڪيو ۽ آرٽ گئلري جو دورو ڪيو.

مضمون کا ماخذ : کنگ میکر

متعلقہ مضامین