ڪشمير مسئلي کي گڏيل قومن جي قراردادن موجب فوري حل ٿيڻ گهرجي: فرخ حبيب

APP45-030222 ISLAMABAD: February 03 - MR. FARRUKH HABIB, Minister Of State for Information and Broadcasting addressing at the Digital Photographic Exhibition organized by Directorate of Electronic Media and Publications (DEMP) in connection with Kashmir Solidarity Day. APP

اسلام آباد – 03 فيبروري (اي پي پي) اطلاعات ۽ نشريات واري مملڪتي وزير فرخ حبيب چيو آهي ته ڪشمير مسئلي کي گڏيل قومن جي قراردادن موجب فوري حل ٿيڻ گهرجي، اسان ڪشميرين سان گڏ بيٺل آهيون، پوري پاڪستان ۽ سڄي دنيا ۾ رهندڙ پاڪستانين جي دلين ۾ ڪشمير وسي ٿو، پاڪستان هر فورم تي ڪشمير مسئلي کي اجاگر ڪيو، وزيراعظم عمران خان جي چين جي دوري ۾ به ڪشمير مسئلي تي ڳالهه ٿيندي. اهڙن خيالن جو اظهار هن ڊائريڪٽوريٽ آف اليڪٽرانڪ ميڊيا اينڊ پبليڪيشنز جي اهتمام هيٺ يوم يڪجهتي ڪشمير جي حوالي سان ڊجيٽل تصويري نمائش جي موقعي تي شرڪت ڪندڙن کي خطاب ڪندي ڪيو. يوم يڪجهتي ڪشمير تي شاندار نمائش جي انعقاد تي ڊيمپ جو ٿورو ادا ڪريان ٿو. فرخ حبيب چيو ته ڪشمير ۾ ٿيندڙ ظلم ۽ بربريت کي شاگردن پينٽنگز جي ذريعي اجاگر ڪيو آهي، ڪشميري مائرن، ڀينرن جي تڪليفن کي اسان محسوس ڪريون ٿا، انساني حقن جي خلاف ورزين تي پاڪستان سدائين آواز بلند ڪندو رهيو آهي، مملڪتي وزير چيو ته 5 آگسٽ جي هندوستاني قدم کانپوءِ 90 لک ڪشميري قيد آهن، نه ميڊيا آزاد آهي نه سوشل ميڊيا هلي رهي آهي، مودي جي آر ايس ايس سوچ جو عملي مظاهرو ڪشمير ۾ ظلم ۽ بربريت جي صورت ۾ ڏسي سگهجي ٿو، هن چيو ته برهان واني جهڙن جوانن کي شهيد ڪيو ويو. هن چيو ته وزيراعظم عمران خان ڪشمير جو سچو وڪيل ۽ دلير سفير جو ڪردار ادا ڪيو ۽ ڪشمير مسئلي کي هر عالمي فورم تي موثر انداز ۾ ڪشمير جو ڪيس پيش ڪيو. هن چيو ته وزيراعظم عمران خان پاران هندستاني ظلمن کي اجاگر ڪرڻ تي هاڻي مغربي ميڊيا به ان مسئلي تي ڳالهه ڪرڻ شروع ڪري ڇڏي آهي. مملڪتي وزير فرخ حبيب چيو ته دنيا کي به پنهنجون اکيون ۽ ڪن کليا رکڻ گهرجن، ڪشمير مسئلي کي گڏيل قومن جي قراردادن موجب فوري حل ٿيڻ گهرجي. هن چيو ته اسان ڪشمير سان گڏ بيٺل آهيون، وزيراعظم عمران خان جي چين جي دوري ۾ به ڪشمير مسئلي تي ڳالهه ٿيندي. تقريب ۾ اطلاعات ۽ نشريات واري ايڊيشنل سيڪريٽري مبشر توقير ۽ ٻين عملدارن به شرڪت ڪئي. ان موقعي تي مملڪتي وزير فرخ حبيب نمائش ۾ رکيل تصويرن جو به مشاهدو ڪيو، شرڪت ڪندڙن کي ڪشمير ڪهاڻي جي عنوان سان هندستان جي ظلم ۽ بربريت تي ٺاهيل دستاويزي فلم به ڏيکاري وئي، مملڪتي وزير فرخ حبيب شاگرن جي وچ ۾ پيٽنگز مقابلن ۾ نمايان پوزيشن حاصل ڪندڙن ۾ انعام به ورهايا ۽ ڊائريڪٽوريٽ آف اليڪٽرانڪ ميڊيا اينڊ پبلي ڪيشنز هر سال يوم يڪجهتي تي هندستاني ظلمن کي اجاگر ڪرڻ جي لاءِ تصويري نمائش جو اهتمام ڪندو آهي.

مضمون کا ماخذ : خوش قسمتی کا رش

متعلقہ مضامین