عالمي برادري ڪشميرين کي انهن جي خودمختياري جو حق ڏيارڻ ۾ پنهنجو ڪردار ادا ڪري: شجاع الدين شيخ

لاهور – 05 – آگسٽ (اي پي پي) اسلامي پاڪستان تنظيم جي امير شجاع الدين شيخ چيو آهي ته عالمي برادري ڪشميرين کي انهن جي خودمختياري جو حق ڏيارڻ ۾ پنهنجو ڪردار ادا ڪري، ڀارت جو اصل چهرو دنيا آڏو اچي چڪو آهي. ڪشمير استحصال ڏهاڙي جي موقعي تي جاري پنهنجي بيان ۾ هن چيو ته 3 سال اڳ 5 آگسٽ 2019ع تي ڀارت پنهنجي آئين جي شقن 370 ۽ 35 اي کي ختم ڪري والاريل ڪشمير کي ڀارت ۾ ضم ڪري هڪ وڏي جيل ۾ تبديل ڪري ڇڏيو، جيڪي سلامتي ڪائونسل جي قراردادن جي کليل خلاف ورزي آهي. هن چيو ته سڄي دنيا ۾ انساني حقن جا علمبردار سڏرائيندڙ اولهه ملڪ ۽ عالمي ادارا ڀارت جي 5 آگسٽ جي ڪڌن قدمن جا نه رڳو حامي پر ان ظلم ۾ ان جا حصيدار به بڻجي چڪا آهن ۽ ڀارت جي ان غيرقانوني ۽ غيرانساني ۽ عالمي قانونن جي سراسري خلاف ورزي جي طرز عمل کي رد ڪرڻ تي پري جي ڳالهه آهي پر زبان سان به ان جي مذمت ڪرڻ لاءِ تيار نه آهن.

مضمون کا ماخذ : ولف گولڈ

متعلقہ مضامین