اسلام آباد۔22نومبر(اے پی پی) وفاق?? وزیر داخلہ محسن نقوی آکھیے اسلام آباد اچ اجتجاج روکݨ دے دوران ممکنہ ضیان دے ذمہ وا?? اوھے ہوسن جیڑھے اسلام آباد ہائیکورٹ دے فیصلے دے خلاف آسن ،24 نومبر اسلام آباد اچ احتجاج دی کوئی درخواست کائنی ، عدالت دے فیصلے تے100 فیصدعمل درآمد یقینی بݨایا ویسی، اسلام آباد اچ کہیں کوں وی جلسے، جلوس یا دھرنے دی اجازت نہ ݙیسوں ، کے پی حکومت ݙساوے جو انہاں دی توجہ اتھاں دہشت گردی ختم کرݨ تے ہووݨی چاہیدی اے یا اسلام آباد دھاوا ٻولݨ لازمی اے۔ اڄ ھک پاسے جنازے تھیندے پئن ݙوجھے پاسے دھاوا ٻولݨ دی تیاری تھیندی پئی اے او صحافیاں نال ڳالھ مہاڑ کریندے پئے ہں ۔ وزیر داخلہ محسن نقوی احتجاج کوں روکݨ دی کوشش دے دوران تھیوݨ آلے ممکنہ جانی ضیان دا ذمہ وا?? کون ہوسی ؟ دے سوال تے وزیر داخلہ آکھیے ذمہ وا?? وی اوہے ہوسن جیڑھے اسلام آباد ہائیکورٹ دے حکم دی خلاف ورزی کرتے آندے پئن ، جیڑھے دھاوا ٻولݨ آندے پئن ۔ ھک سوال دے جواب اچ انھاں آکھیے نہ دکان بند تھیوݨی چاہیدی اے ، نہ کاروبار بند تھیوݨا چاہیدے ، نہ سڑک بند تھیوݨی چاہیدی اے نہ موبائل فون سروس بند تھیوݨی چاہیدی اے لیکن ݙساؤ اساں کیا کروں ؟ ھک سوال دے جاب اچ انھاں آکھیے خیبرپختونخوا اچ امن و امان دی ذمہ وا??ی صوبائی حکومت دی اے، کل انہاں کوں دہشت گردی پاروں ایف سی دی 15 پلاٹون چاہیدیاں ہن ، حالانکہ اساکوں اسلام آباد اچ وی ایف سی دی لوڑھ ہئی لیکن اساں اتھاں روک تے نفری اتھاں بھجوائی اے ۔صوبائی حکومت نال تعاون کرݨ ساݙا فرض اے لیکن صوبائی حکومت توں وی پچھیا ونڄے جو انہاں دی توجہ دہشت گردی مکاوݨ تے ہووݨی چاہیدی اے یا اتھاں آتے دھاوا ٻولݨ تے ہووݨی چاہیدی اے ، وفاقی حکومت دا کم صرف تعاون ݙیوݨ اے ، 18 ویں ترمیم دے بعد امن و امان ساݙی ذمہ وا??ی کائنی ، جیڑھا او مطالبہ کریندن اساں اوں کوں پورا کریندوں لیکن امن و امان دی پہلی ذمہ وا??ی صوبائی حکومت دی اے۔وزیر داخلہ آکھیے 40 جنازے چویجݨ دے بعد اتھاں ٻیٹھے لوکاں کوں خود سوچݨا چاہیدے جو انھاں دی پہلی ترجیح کیا ہووݨی چاہیدی اے ۔ جیڑھا وی دفعہ 144 دی خلاف ورزی کر??سی ایندے خلاف کاروائی تھیسی، انھاں آکھیے اڄ شام وزیراعظم جیویں گائیڈ کریسن بالکل اوویں کریسوں جے اے دھرنا ݙیوݨ دی کوشش کریسن تاں ٻہوں اوکھ تھی ویس?? تے ضیان دے ذمہ وا?? او خود ہوسن جیڑھے آرڈر دی خلاف ورزی کرتے دھاوا ٻولݨ آندے پئن، میݙا اڈیالہ نال کوئی رابطہ کائنی، پی ٹی آئی ایس سی او کانفرنس دا خیال نی رکھیا ، ہݨ بیلاروس دا وفد آندا پئے ،تساں امریکا تےسعودی عرب کوں وچ گھن آئے امریکا دیاں وی ڳالھیں کریندو، تساں ھک سال اچ اتنے یوٹرن کیویں گھن سڳدوتساں آپݨی آواز متعلقہ فورمز تے چاؤ ، 24نومبر دے دھرنے کوں 10 ݙینھ سانڳے منسوخ کرݨ دی کوئی ڳالھ کائنی کیتی نہ مذاکرات دی لوڑھ اے نہ تھیوݨے چاہیدن ، صرف جائز طریقے نال مذاکرات تھیوݨے چاہیدن ھک پاسے دھرنا ݙیو ول ݙوجھے پاسے مذاکرات ایویں نی تھی سڳدا۔
