استنبول ۔26نومبر (اے پی پی) وز??ر اعظم محمد شہباز شریف ترکیہ دے سرمایہ کارآں اتے کاروباری برادری کوں پاکستان اچ مختلف شعبیاں اچ دستیاب پرکشش موقعتیآں توں فائدہ دی دعوت ݙیندیں ہوئیں آکھیا جو ملک اچ خصوصی طور قابل تجدید توانائی، دفاعی پیداوار، شمسی توانائی سودھے متنوع شعبیاں اچ ترک سرمایہ کاراں دا خیر مقدم کریسوں، ترکیہ نال ترائے سالیں اچ آپسی تجارتی کوں 5 ارب ڈالر تئیں ودھاوݨ کیتے پرعزم ہیسے۔ ات ڳالھیں انہاں چھݨ چھݨ کوں اتھاں پاکستان ترکیہ بزنس کونسل دے اجلاس توں خطاب کریندیں ہوئیں آکھی۔ تقریب اچ وفاقی وزیر تجارت سید نوید قمر، وفاقی وز??ر اطلاعات تے نشریات مریم اورنگزیب، دفاعی پیداوار دے وفاقی وز??ر اسرار ترین، وزیراعظم دے معاون خصوصی فہد حسین، ترکیہ اچ پاکستان دے سفیر، ترکیہ دے وزیر تجارت دے علاوہ ترک تاجراں اتے سرمایہ کار کمپنیاں دے نمائندے شریک تھیے۔ وزیراعظم آکھیا جو پاکستان اتے ترکیہ وچال تجارت، دفاعی پیداوار سودھے مختلف شعبیاں اچ تعاں مضبوط کرݨ تے پیشرفت تھئی اے،پاکستان اچ تجارت اتے سرمایہ کاری کوں سوکھا کرݨ کیتے کم کریندے پیوں۔ وزیراعظم محمد شہباز شریف آکھیا جو استنبول اچ پاکستان ترکیہ بزنس کونسل دے اجلاس نال ݙوہیں ملکاں وچال تجارت ودھسی۔ گزریل ݙینھاں اچ ترکیہ اچ دہشت گردی دے واقعے دی مذمت کریندیں ہوئیں آکھیا جو ترکیہ پاکستان وانڳ دہشت گردی دا نشانہ ٻݨدا رہندے۔ ا??ہاں استنبول اچ دہشت گردی اچ انسانی جاناں دے ضیان تے ݙکھ تے افسوس کیتا۔ ا??ہاں آکھیا جو دہشت گردی کوں رہاوݨ کیتے معاشرے دے ہر طبقے کوں قربانیاں ݙتن، دہشت گرد انسانیت دے درجے توں گرے ہوئن۔ وزیراعظم شہباز شریف پاکستان اچ اڄوکے چھل پاروں تھیوݨ آلی تباہی دا ذکر کریندیں ہوئیں آکھیا جو پاکستان اچ چھل پاروں ساݙھے ترائے کروڑ لوک متاثر تھین جڈانجو ایں پاروں ہک ہزار ست سو بندے جاں بحق تھین۔ ا??ہاں پاکستان دے چھل متاثرین دی امداد کیتے ترکیہ دی حکومت اتے عوام دا شکریہ ادا کیتا۔ ا??ہاں آکھیا جو ملک اچ خصوصی طور قابل تجدید توانائی، دفاعی پیداوار، شمسی توانائی سودھے متنوع شعبیاں اچ ترک سرمایہ کاراں کوں خیر مقدم کریسوں۔ تجارت اتے سرمایہ کاری ودھاوݨ بارے اقدامات کریندے پیوں اتے ترکیہ نال ترائے سالیں اچ آپسی تجارتی حجم کوں پنڄ ارب ڈالر تئین ودھاوݨ کیتے پرعزم ہیسے۔اساں ترکی نال تجارت اچ ودھارے کیتے مفاہمت دی یادداشت تے دستخط کیتن۔
