پاکستان دنیا دی پنجویں وݙی جمہوریت اے، انتخابی عمل دے مشاہدے سانڳے 92 غیر ملکی مبصرین کوں ویزے جاری کیتن، پرامن انتخابات کراوݨ یقینی بݨیسوں ، نگراں وفاقی وزیر اطلاعات مرتضیٰ سولنگی دی غیر ملکی مبصرین تے میڈیا کوں بریفنگ
APP15-030224
ISLAMABAD: February 03 - Mr.Murtaza Solangi, Federal Ministers for Information and Broadcasting addressing a press conference along with Special Secretary ECP, DG Political Finance, Spokesperson MoFA, EDG External Publicity Wing and PIO, MOIB. APP/TZD/FHA
اسلام آباد۔3فروری (اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی آکھیے پاکستان د??یا دی پنجویں وݙی جمہوریت اے، انتخابی عمل دے مشاہدے سانڳے مختلف ملکاں دے 92 غیر ملکی مبصرین کوں ویزے جاری کیتن، انتخابات پرامن کراوݨ یقینی بݨیسوں ، ملک اچ عد??یہ اتے میڈیا آزاد ہن، ہر ھک کوں اظہار رائے اتے تنقید دا حق حاصل اے، انتخابات سانڳے وافر وسائل موجود ہن، انتخابات اچ 12 کروڑ عوام اپݨا حق رائے دہی استعمال کریسن ۔ اے ڳالھ انہاں وزارت داخلہ، وزارت خارجہ، وزارت اطلاعات ا??ے الیکشن کمیشن دے نمائندیں دے رلے پریس کانفرنس توں خطاب کریندے ہوئیں آکھی اے۔ وفاقی وزیر اطلاعات آکھیے انتخابات دے انعقاد اچ صرف چار ݙینھ باقی رہ ڳئن ، پاکستان اچ پہلے بالغ رائے دہی دے انتخابات 53 سال پہلے دسمبر 1970ءاچ تھئے ہن ۔ انہاں آکھیے پاکستان د??یا دی پنجویں وݙی جمہوریت اے جیڑھے جو انتخابات دے اہم مرحلے توں گزردی پئی اے ۔ وفاقی وزیر آکھیے انتخابات سانڳے سیکورٹی دے بہترین انتظامات کیتے ڳئن ، پولنگ اسٹیشناں تے تھری ٹیئر سسٹم دے تحت سیکورٹی ݙتی ڳئی اے، پہلے حصے اچ پولیس، ݙوجھے اچ رینجرز ا??ے ایف سی سیکورٹی دے فرائض انجام ݙیسن جݙاں جو سیکورٹی دی تریجھی ٹیئر پاکستان آرمی کنے ہوسی ۔ انہاں آکھیے چارے صوبائی اسمبلیاں پنجاب، سندھ، بلوچستان اتے خیبر پختونخوا دے علاوہ قومی اسمبلی سانڳے انتخابات منعقد تھیندے پئن تے حکومت 8 فروری کوں پرامن اتے شفاف انتخابات یقینی بݨیسی ۔ انہاں آکھیے انتخابات دے حوالے نال ٻہوں ڳالھیں کیتیاں ویندیاں رہین لیکن اساں مستقل مزاجی نال آکھدے رہیوں جو انتخابات الیکشن کمیشن آف پاکستان دی طرفو?? مقرر تاریخ تے تھیسن صحافیاں دے سوالاں دا جواب ݙیندے ہوئیں وفاقی وزیر اطلاعات آکھیے پاکستان اچ عد??یہ اتے میڈیا آزاد ہن، ہر ھک کوں تنقید دا حق حاصل اے، عدالتی فیصلیں تے تبصرہ نی کرسڳدے ، اساں نگران حکومت دی نمائندگی کریندوں جیڑھا جو آئین اتے قا??ون دے تحت وجود اچ آئی اے۔ ھک سوال دے جواب اچ انہاں آکھیے ووٹرز دی مجموعی تعداد 12 کروڑ 85 لکھ 85 ہزار 760 اے جنھاں اچ 6 کروڑ 92 لکھ 63 ہزار 704 مرد اتے 5 کروڑ 93 لکھ 22 ہزار 56 تریمتاں ہن ۔ ھک سوال دے جواب اچ وفاقی وزیر اطلاعات آکھیے پاکستان اچ 2008ءاتے 2013ءدے انتخابات اچ وی سیکورٹی دے خطرات ہن ، پاکستان دہشت گرداں دے خلاف کارروائیاں کریندا پئے ، ساݙی سیکورٹی فورسز انتخابات سانڳے مکمل طور تے تیار اے ??ے اساں ایں امر کوں یقینی بݨیسوں جو انتخابات پرامن ماحول اچ تھیون ۔
