ملڪي تشخص کي اجاگر ڪرڻ سميت حڪومتي قدمن کي عوام تائين پهچائڻ جي لاءِ پي ٽي وي ۽ ٻي رياستي ميڊيا جو اهم ڪردار آهي: سينيٽر شبلي فراز

APP48-140121 ISLAMABAD: January 14 Senator Shibli Faraz, Federal Minister for Information and Broadcasting in a meeting with General Managers of PTV. APP

اسلام آباد – 14 – جنوري (اي پي پي) اطلاعات ۽ نشريات واري وفاقي وزير سينيٽر شبلي فراز چيو آهي ته وزيراعظم اسلاموفوبيا ۽ ناموس رسالت ﷺ تي صاف موقف، عالمي فورمز تي ڪشمير جو ڪيس وڙهڻ، ملڪي تشخص کي اجاگر ڪرڻ سميت حڪومتي قدمن کي 22 ڪروڙ عوام تائين پهچائڻ جي لاءِ پي ٽي وي ۽ ٻين رياستي ميڊيا جو اهم ڪردار آهي، پاڪستان ٽيلي ويزن (پي ٽي وي) قومي ادارو آهي ان جي وقار جي بحالي اولين ترجيح آهي. هو پي ٽي وي ۾ پي ٽي وي جنرل مينيجرز اجلاس کي خطاب ڪري رهيو هو. وفاقي وزير سينيٽر شبلي فراز چيو ته ماضي جا ناظرين واپس آڻڻ پي ٽي وي جي سمورن چئنلن جي اولين ترجيح هجڻ گهرجي. هن چيو ته پهريون ڀيرو غريب، بي سهارا ۽ پوئتي پيل طبقن جي لاءِ احساس پروگرام، ڪامياب جوان پروگرام، لنگر خانا ۽ پناهگاهون قائم ڪيون ويون آهن، ماضي جي حڪومتن ۾ اهڙي ڪا روايت نٿي ملي، اسان کي عوام جي ڀلائي ۽ بهتري جي منصوبن جي حوالي سان آگاهي پيدا ڪرڻي آهي.

مضمون کا ماخذ : sorteos da loteria

متعلقہ مضامین