نواز شريف 15 جنوري تائين ڪوٽ لکپت يا ڪنهن ٻي جيل ۾ هوندو: شبلي فراز

APP01-23 ISLAMABAD: October 23 Federal Minister for Information and Broadcasting Senator Shibli Faraz addressing a press conference at PID Media Centre. APP photo by Irfan Mahmood

اسلام آباد – 23 آڪٽوبر (اي پي پي) اطلاعات ۽ نشريات واري وفاقي وزير سينيٽر شبلي فراز چيو آهي ته عدالت کي گهربل جوابدار نواز شريف کي برطانيه کان واپس آڻڻ جي لاءِ قانوني ۽ سفارتي ذريعا استعمال ڪري رهيا آهيون، 15 جنوري 2021ع تائين محمد نواز شريف ڪوٽ لکپت يا ڪنهن ٻي جيل ۾ هوندو، ڪرپشن زده مخالف ڌر جي اصل جاءِ جيل آهي، سنڌ واقعو هڪ ڊرامو آهي، حقيقت ۾ ن ليگ ۽ پيپلزپارٽي پاڻ ۾ گيم ڪري رهيون آهن، ڪيپٽن صفدر گرفتاري جي وڊيو فوٽيج سنڌ حڪومت ۽ مسلم ليگ (ن) جي ڪيترن ئي دعوائن ۽ سفيد ڪوڙ تي پاڻي ڦيري ڇڏيو، دروازو ٽوڙڻ، ڇڪتاڻ يا زبردستي ڪٿي به نظر نه آئي، انهن جي سياست ختم ٿي وئي، مسلم ليگ ن ورهائجي رهي آهي، رٽائرڊ ڪيپٽن محمد صفدر جي گرفتاري سنڌ حڪومت ۽ پوليس جو معاملو آهي، پيپلزپارٽي جو ڪردار ڄاڻون ٿا، 18 هين ترميم جو مقصد به واضح ٿي چڪو آهي ته اهو وفاق کي ڪمزور ڪرڻ چاهين ٿا، پيپلزپارٽي ۽ مسلم ليگ (ن) جي سياست ڪوڙ، منافقت ۽ رياڪاري تي ٻڌل آهي، مريم نواز جي چهري تي اڄ پريشاني ۽ بوکلائٽ جو آثار نمايان هئا. هو پي آءِ ڊي ۾ پريس ڪانفرنس کي خطاب ڪري رهيو هو، وفاقي وزير شبلي فراز چيو ته ميڊيا چئنلز تي ڪراچي ۾ رٽائرڊ ڪيپٽن صفدر جي گرفتاري جي سي سي ٽي وي فوٽيج نشر ٿي آهي، ان فوٽيج ۾ انهن جي دعويٰ موجب ٽٽل دروازو نه ڏيکاريو ويو، فوٽيج موجب محمد صفدر اطمينان سان پوليس جي حراست ۾ هو، مريم صفدر جي حوارين ڪيترائي ڀير چادر ۽ چارديواري جي تحفظ جو ذڪر ڪيو، اهي ماڻهو وساري ويٺا آهن ته هنن پنهنجي دور ۾ ماڊل ٽائون واقعي ۾ عورتن سان ڪهڙو سلوڪ ڪيو، انهن ماڻهن طرفان محترمه بينظير ڀٽو جي ڪردار ڪشي سان سڀ واقف آهن.

مضمون کا ماخذ : کوئٹہ لاٹری

متعلقہ مضامین