گئس جي محدود وسيلن جي ڪري مستقبل لاءِ منصوبابندي جي ضرورت آهي: وزيراعظم

APP53-22 ISLAMABAD: July 22 - Prime Minister Imran Khan chairing a meeting regarding gas related issues. APP

اسلام آباد – 22 جولاءِ (اي پي پي) وزيراعظم عمران خان چيو آهي ته گئس جي محدود وسيلن جي ڪري پيدا ٿيندڙ صورتحال خاص طور تي مستقبل تي نظر رکندي فوري طور تي جامع منصوبابندي جي ضرورت آهي، گئس بابت معاملن جو تعلق ڪنهن هڪ شعبي يا علائقي سان نه پر پوري ملڪ جو معاملو آهي، اهي سمورا معاملا مفادن جي ڪائونسل جي سامهون رکنداسين. اهڙن خيالن جو اظهار هن گئس جي شعبي بابت معاملن جي حوالي سان اجلاس جي صدارت ڪندي ڪيو. اجلاس ۾ ملڪ ۾ گئس جي گهرج ۽ پهچ، گئس انفرااسٽرڪچر، گئس جي شعبي ۾ درپيش مسئلن ۽ مستقبل جي ضرورتن کي نظر ۾ رکندي لائحه عمل جي حوالي سان تفصيلي خيالن جي ڏي وٺ ڪئي وئي، خاص معاون نديم بابر ملڪي سطح تي گئس جي پيداوار، ملڪي ضرورتن، درآمد ٿيل گئس جي مقدار، قيمت ۽ مستقبل جي ضرورتن کي نظر ۾ رکندي گهرج ۽ پهچ جي ڪاٿي تي تفصيلي بريفنگ ڏني، وزيراعظم اجلاس کي خطاب ڪندي چيو ته گئس جي شعبي ۾ هڪ طرف وڌندڙ گهريلو ۽ صنعتي شعبي جون ضرورتون ۽ ٻي طرف مقامي طور تي موجود گئس جي محدود ذخيرن سبب پيدا ٿيندڙ صورتحال خاص طور تي ويجهي مستقبل جي صورتحال کي نظر ۾ رکندي فوري طور تي جامع منصوبابندي جي ضرورت آهي.

مضمون کا ماخذ : اسکریچ کارڈ کے نتائج

متعلقہ مضامین