کریمنل لاءاچ ترامیم کر تے وزیر اعظم کوں بھیڄ ݙتی اے ، وفاقی وزیر قانون و انصاف بیرسٹر فروغ نسیم

اسلام آباد۔15جولائی (اے پی پی):وفاقی وزیر قانون و انصاف بیرسٹرفروغ نسیم آکھیے جو کریمنل لاء اچ ترامیم کرتے وزیر اعظم کوں پٹھ ݙتی اے ۔وراثتی سرٹیفکیٹس 15 ݙینھ اچ ملݨ شروع تھی ڳئے ۔صوبہ سندھ اچ پاکستان پیپلز پارٹی وفاقی حکومت دا بݨایا ڳیا قانون کاپی کیتے ۔اے ڳال انہاں ٻدھ کوں نویں فیڈرل ٹریبونل کمپلیکس دی افتتاحی تقریب توں خطاب کریندے ہوئیں آکھی اے ، ایں موقع تے وفاقی پارلیمانی سیکرٹری قانون و انصاف ملیکہ بخاری ،وفاقی سیکرٹری قانون و انصاف راجہ نعیم اکبر سودھے وکلا دی ودھ ساری تعداد موجود ہئی ۔وفاقی وزیر محمد فروغ نسیم آکھیے جو وزارت قانون و انصاف دا کم عوام کوں سہولتاں ݙیوݨ اے تے نویاں عدالتاں دے قیام سودھے قانون کرݨ وی شامل اے ، جݙاں میں وزارت دا قلم دان سنبھالیا تاں میکوں وزارتِ قانون دے حوالے نال ݙسایا ڳیا ہئی جو روزانہ ݙڈھ سو ریفرنس آندن ھک ݙینھ اچ جے ݙڈھ سو کیس آون تاں انہاں کوں حل نہ کیتا ونڄے تاں کتنے کیسز روزانہ دی بنیاد تے کتنے جمع تھی ویسن ، انہاں آکھیے جو وزارت قانون انصاف عوام کوں انصاف دی وختی فراہمی کیتے نواں فیڈرل ٹریبونل کمپلکس قائم کیتے جیں اچ انوائرمینٹل کمپلکس ،کسٹم ایپلیٹ ٹریبونل دیاں ݙو عدالتاں ،میڈیکل ٹریبونل اتے نیپرا ٹریبونل کم کریسن ۔وفاقی وزیر آکھیے اے صرف وزیر قانون دی محنت کائنی بلکہ ساری وزارت قانون محنت کیتی اے ۔

مضمون کا ماخذ : لوٹیریا وفاقی

متعلقہ مضامین