اسلام آباد۔20ستمبر(اے پی پی) آندے عام انتخابات کیتے الیکشن کمیشن ، سیکشن 233، الیکشن ایکٹ 2017، دے ت??ت ضابطہ اخلاق تے مشاورت کیتے سیاسی جماعتاں دا اجلاس 4 اکتوبر ݙوپہر 2 وڄے الیکشن کمیشن سیکرٹریٹ اچ سݙ ڳھدے ۔ترجمان موجب ایں سلسلے اچ مسودہ ضابطہ اخلاق دی ھک کاپی وی سیاسی جماعتاں دے سربراہان کوں بھیجی ڳئی اے ت??ں جو مشاورت ویلھے او ضابطہ اخلاق تے بہتر انداز اچ آپݨا فیڈ بیک ݙے سڳن ۔ ڈرافٹ ضابطہ اخلاق دا مسودہ 9 صفحات تے مشتمل اے جیں اچ سیاسی جماعتاں تے امیدواراں کوں آکھیا ڳئے جو او کہیں ایجھی صلاح یا عمل نہ کریسن جیں اچ نظریہ پاکستان یا پاکستان دی خود مختاری، سالمیت اتے سلامتی دے خلاف یا پاکستان دی عدلیہ دی آزادی یا خود مختاری اتے افواج پاکستان دی شہرت کوں ضیان یا تضحیک دا کوئی پہلو نکلدا ہووے ، او الیکشن کمیشن دی تضحیک توں وی اجتناب کریسن ۔ قانون نافذ کرݨ آلے اداریں تے انتخابی عملے نال مکمل کریسن ، کہیں اسمبلی دی عمومی نشستاں تے ت??یمتاں دی 5 فیصد نمائندگی یقینی بݨیسن ، بیلٹ پیپر کوں خراب کرݨ توں اجتناب کریسن ، کہیں ووٹر کوں ووٹ دے حق توں محروم کرݨ دے حوالے نال کوئی رسمی ??ا غیر رسمی معاہدہ، انتظام یا مفاہمت نہ کریسن ، سارے انتخابی خرچے کیتے مخصوص اکائونٹس کھلواوݨ لازمی ??وسن ۔ انتخابی مہم اچ میڈیا تے ناجائز دٻاؤ پاوݨ تے ہر قسم دے ت??دد توں آپݨے کارکناں کوں روکیسن ، اسلحہ دی نمائش تے پابندی ہو سی، عوامی عہدے رکھݨ آلے لوک انتخابی مہم یا سیاسی سرگرمی اچ حصہ نی گھن سڳدے ت??ں جو کہیں اسمبلی دے سپیکر تے اے پابندی لاگو نہ ہوسی ۔ ممبران سینٹ تے لوکل گورنمنٹ انتخابی مہم اچ حصہ گھن سڳدن ۔ الیکشن کمیشن دے منظور کیتے ڳئے سائز توں وݙے ہینڈ بل ، پوسٹرز، بینرز یا پورٹریٹ لاوݨ دی اجازت نہ ہوسی ، جلسے جلوس صرف طے شدہ جہیں تے منقد کیتے ویسن ، کار ریلیاں دی اجازت نہ ہوسی ، جلسے جلوساں تے عوامی اجتماعات توں پہلے مقامی انتظامیہ کوں ݙساوݨ لازمی ??وسی۔ پولنگ دے ݙینھ پولنگ سٹیشناں دے 400 میٹر دے اندر کہیں وی قسم دی مہم نہ چلائی ونڄ سڳسی ۔ انتخابی عملے دے امور اچ مداخلت نہ کیتی ویسی ، سیاسی جماعتاں دی طرفوں ووٹراں کوں پولنگ سٹیشن گھن آوݨ تے گھن ونجں کیتے ڳاݙیاں نہ ݙتیاں ویسن ۔ پولنگ ایجنٹ کوں لازمی طور تے پریذائیڈنگ افسر توں فارم 45 (ڳنتری دا گوشوارہ )،فارم 46 (بیلٹ پیپر اکائونٹ )دی کاپی حاصل کرݨی چاہیدی اے ۔ پولنگ ایجنٹ جے چاہے ت??ں پریذائیڈنگ افسر دے تیار کیتے ڳئے اتے سیل کیتے ڳئے لفافیں تے آپݨی سیل وی لاس??دے ۔
