اسلامی تعاون تنظیم اقوام متحدہ دی قرارداداں دی بنیاد تے جھیڑا کشمیر دے منصفانہ حل دیاں کوششاں تکھیاں کرے ، وزیر دفاع خواجہ آصف

اقوام متحدہ۔27ستمبر(اے پی پی) پاکستان اسلامی تعاون تنظیم (او آئی سی) توں مطالبہ کیتے جو او کشمیری عوام دیاں مصیبتاں دے خاتمے اتے اقوام متحدہ دی قرارداداں موجب مسئلہ کشمیر دا منصفانہ حل ڳولݨ سانڳے آپݨیاں کوششاں تکھیاں کرے تاں جو کشمیری عوام کوں انھاں دا حق خود ارادیت مل سڳے۔ اقوام متحدہ دی جنرل اسمبلی دے 79ویں اجلاس اچ او آئی سی دے رابطہ گروپ جموں و کشمیر دے اجلاس توں خطاب اچ وزیر دفاع خواجہ محمد آصف او آئی سی تے زور ݙتے جو او کئی عشریں توں حل طلب مسئلہ کشمیر دے حل سانڳے ٹھوس اقدامات وی کرے۔ انھاں آکھیے او آئی سی اتے ایندے رکن ملکاں کوں آپݨا اثر ورسوخ استعمال کریندے بھارت تے زور ݙیوݨا چاہیدے جو او کشمیر اچ انسانی حقوق دی صورتحال کوں بہتر بݨاوے، سیاسی قیدیاں کوں رہا کرے، سخت ہنگامی قوانین منسوخ کرے، آبادی آلے علاقیں اچ تعینات فوجیاں کوں اتھوں ہٹاوے تے اقوام متحدہ دی سلامتی کونسل دی متعلقہ قرارداداں تے عمل درآمد کرے ۔ رابطہ گروپ دے اجلاس دی صدارت او آئی سی دے سیکرٹری جنرل حسین براہیم طحٰہ کیتی۔ اجلاس اچ ترکیہ دے نائب وزیر خارجہ نوح یلماز، آذربائیجان دے نائب وزیر خارجہ النور ممدوف، وزارت خارجہ اچ سعودی عرب دے پلینی پوٹینٹری سفیر ہیثم العالکی اتے نائجر دی وزارت خارجہ اچ ڈائریکٹر انٹرنیشنل آرگنائزیشنز حما کنسائے سلیمانی وی شرکت کیتی جݙاں جو عالمی کشمیر آگاہی فورم دے سیکرٹری جنرل ڈاکٹر غلام نبی فائی جموں و کشمیر دے عوام دے حقیقی نمائندے دی حیثیت نال شرکت کیتی۔ گروپ دے ارکان کشمیر کاز دی حمایت کیتی تے بھارت اتے پاکستان وچال جھیڑے دے پرامن حل تے زور ݙتے۔ آپݨے ابتدائی کلمات اچ وزیر دفاع خواجہ آصف زور ݙتے جو جنوبی ایشیا اچ دیر تئیں امن سانڳے جھیڑا کشمیر کوں اقوام متحدہ دی سلامتی کونسل دی قرارداداں تے کشمیری عوام دی امنگاں موجب حل کرݨ دی لوڑھ اے ۔ گزریل 77 سالاں اچ بھارت جموں و کشمیر تے آپݨے قبضے کوں مستحکم کرݨ سانڳے مختلف طریقے آزمائے لیکن 5 اگست 2019 توں بھارتی حکومت کشمیرکوں بھارت دا حصہ بݨاوݨ تے کشمیریاں کوں ھک بے اختیار کمیونٹی اچ بدالݨ دی مہم تکھی کرݙتی اے ۔ وزیر دفاع خواجہ آصف آکھیے گزریل پنج سالاں اچ بھارتی حکام قانون سازی دے نال ایجھے کئی عدالتی تے انتظامی اقدامات چاتن جیں دا مقصد کشمیر دے آبادیاتی ڈھانچے اتے سیاسی منظر نامے کوں بدالݨا اے ، انھاں اچ انتخابی حلقیں اچ ردو بدل اتے غیر کشمیریاں کوں کشمیراچ آباد تھیوݨ دی اجازت ݙتی ڳئی ۔ ووٹر فہرستاں اچ کشمیر توں ٻاہر دے لوکاں کوں ڈومیسائل سرٹیفکیٹ جاری کرتے رلایا ڳئے بھارتی حکومت لیفٹیننٹ گورنر کوں انتظامی معاملات اچ مزید اختیارات ݙتے تے زمین و جائیداد دی ملکیت متعلق نویں قوانین متعارف کروائے۔ انہاں او آئی سی رابطہ گروپ دے ارکان کوں ݙسائے بھارتی حکومت آپݨنے غیر قانونی زیر تسلط جموں و کشمیر اچ اختلاف رائے کوں کچلݨ سانڳے پبلک سیفٹی ایکٹ (PSA)، آرمڈ فورسز سپیشل پاورز ایکٹ (AFSPA) اتے غیر قانونی سرگرمیاں (روکݨ)ایکٹ (UAPA) جیھے کالے قوانین نافذ کر رکھئن جیں دے نتیجے اچ اتھاں ݙر تے دہشت دا ماحول اے ، 5 اگست 2019 توں ہݨ تعیں 914 کشمیری شہید اتے 2447 زخمی یا تشدد دا نشانہ بݨ چکن ، سیاسی قیدیاں دی تعداد ہزاراں وچ اے تے کشمیری کارکناں دی جائیداداں سزا دے طور تے ضبط کیتیاں ۔میڈیا تے پابندیاں دا ذکر کریندے وزیر دفاع آکھیے سری نگر پریس کلب 2020 توں بند اے ، جموں و کشمیر بار ایسوسی ایشن دے انتخابات دی اجازت کائنی تے ایندے ھک سابق صدر میاں عبدالقیوم کوں انھاں دی مخالفانہ سیاسی نظریات پاروں گرفتار کیتا ڳئے ۔ عالمی برادری بالخصوص ایں رابطہ گروپ دے ارکان کوں ایجھے بیانات دا نوٹس گھنݨا چاہیدے جیڑھے اقوام متحدہ دے چارٹر دے وی خلاف ہن۔ جموں و کشمیر تے او آئی سی دے اعلامیے کشمیر کاز دی حمایت دا وݙا ذریعہ ہن،پاکستان تے کشمیر دے عوام ایجھی قرارداداں کوں ٻہوں اہمیت ݙیندن ۔ انھاں ایں ڳالھ تے زور ݙتا جو آو آئی سی کوں آپݨے اعلانات کوں ٹھوس اقدامات اچ بدالݨا چاہیدے۔

مضمون کا ماخذ : resultados loteria ریو ڈی جنیرو

متعلقہ مضامین