پاڪستان ايٿوپيا سان لاڳاپن کي گهڻي اهميت ڏي ٿو: صدر

APP53-14 ISLAMABAD: September 14 - Pakistan's Ambassador-designate to Ethiopia, Shozeb Abbas called on President Dr. Arif Alvi at Aiwan-e-Sadr. APP

اسلام آباد – 14 سيپٽمبر (اي پي پي) صدر ڊاڪٽر عارف علوي چيو آهي ته پاڪستان ايٿوپيا سان لاڳاپن کي گهڻي اهميت ڏي ٿو ۽ ٻنهي ڌرين جي وچ ۾ واپاري لاڳاپن کي وڌيڪ فروغ ڏيڻ جو خواهشمند آهي، پاڪستان جي سيڙپڪاري دوست واپاري پاليسي جي پيش نظر پاڪستان غير ملڪي سيڙپڪارن لاءِ هڪ پرڪشش ماڳ آهي، چونڊيل سفير ايٿوپيا ۾ غير قانوني والاريل ڄمون ۽ ڪشمير ۾ ٿيندڙ ڀارتي ظلمن کي اجاگر ڪندو، اهڙن خيالن جو اظهار هن ايٿوپيا ۾ پاڪستان جي چونڊيل سفير شوزب عباس سان ملاقات دوران ڪيو. صدر ڊاڪٽر عارف علوي چيو ته نامزد سفير واپار، معيشت ۽ ثقافت سميت مختلف شعبن ۾ پاڪستان ۽ ايٿوپيا جي وچ ۾ ٻه طرفي لاڳاپن کي وڌيڪ بهتر بڻائڻ لاءِ ڪم ڪندو، پاڪستان ايٿوپيا سان لاڳاپن کي وڏي اهميت ڏي ٿو ۽ ٻنهي ڌرين جي وچ ۾ واپاري لاڳاپن کي وڌيڪ فروغ ڏيڻ جو خواهشمند آهي. هن چيو ته نامزد سفير ايٿوپيا جي سيڙپڪارن جي پاڪستان ۾ سيڙپڪاري لاءِ حوصلا افزائي ڪندو. پاڪستان جي سيڙپڪار دوست واپاري پاليسي جي پيش نظر پاڪستان غير ملڪي سيڙپڪارن جي لاءِ هڪ پرڪشش ماڳ آهي، نامزد سفير ايٿوپيا ۾ غير قانوني والاريل ڄمون ۽ ڪشمير ۾ ٿيندڙ ڀارتي ظلمن کي اجاگر ڪندو.

مضمون کا ماخذ : لیپریچون کی خوش قسمتی۔

متعلقہ مضامین