معذور ماڻهن کي جديد ٽيڪنالاجي جي ثمرن مان فائدو ڏيارڻ جي ضرورت آهي: صدر

APP44-060221 PESHAWAR: February 08 - President Dr Arif Alvi being briefed by Provincial Minister and ACS, KP regarding population welfare measures, at Governor House. APP

پشاور – 08 فيبروري (اي پي پي) صدر ڊاڪٽر عارف علوي چيو آهي ته معذور ماڻهن کي جديد ٽيڪنالاجي جي ثمرن مان فائدو ڏيارڻ لاءِ سمورن دستياب وسيلن کي استعمال ۾ آڻڻ وقت جي اهم ضرورت آهي. اهڙن خيالن جو اظهار هن گورنر هائوس پشاور ۾ ورلڊ هيلٿ آرگنائيزيشن (ڊبليو ايڇ او) جي تعاون سان منعقد ٿيندڙ معذور ماڻهن جي اجلاس کي خطاب دوران ڪيو. هن چيو ته مددگار ٽيڪنالاجي عالمي ۽ علائقائي سطح تي اهميت اختيار ڪندي پئي وڃي جيڪا ان ڳالهه جو ثبوت آهي ته دنيا بهتر ٿيندي پئي وڃي ۽ مددگار شين جي ضرورتمندن لاءِ هاڻي اميد پيدا ٿي وئي آهي، وزيراعظم جو صحت بابت خاص مددگار ڊاڪٽر فيصل سلطان ۽ خيبرپختونخوا جي وڏي وزير جو اطلاعات ۽ هائير ايجوڪيشن بابت خاص مددگار ڪامران بنگش به ان خصوصي اجلاس ۾ موجود هئا، صدر چيو ته اسان هن وقت مشڪل دور مان گذري رهيا آهيون، ڇو ته ڪووڊ 19 زندگي جي هر شعبي کي متاثر ڪيو آهي، پاڪستاني عوام جي خيرخواهي ۽ صحت لاءِ ڊبليو ايڇ او جي تعاون کي ساراهيندي هن چيو ته حڪومت ان ڳالهه کي يقيني بڻائي رهي آهي ته ڪنهن به قسم جي معذوري رکندڙ ماڻهو ملڪ جي ترقي ۾ بامقصد ڪردار ادا ڪري سگهن.

مضمون کا ماخذ : را کی کتاب

متعلقہ مضامین