سي پيڪ رٿا شفافيت واري آهي، ڪوبه ڳجهو قرض ناهي ورتو، پارليامينٽ جي نگراني موجود آهي: اسد عمر

اسلام آباد-06 آڪٽوبر (اي پي پي) رٿابندي، ترقي ۽ سڌارن واري وفاقي وزير اسد عمر چيو آهي ته پاڪ- چين اقتصادي راهداري (سي پيڪ) تي سڄي دنيا جون نظرون آهن، ان لاءِ ڪجهه حلقن طرفان ڄاڻي واڻي ان رٿا جو ناڪاري تاثر اُڀارڻ جون خبرون هلايون ويون آهن، سي پيڪ ۾ ڪو مهانگو يا ڳجهو قرض ناهي، ٻين ملڪن جي ڀيٽ ۾ چين کان سستو قرض مليو آهي، سي پيڪ جي بنياد تي ملڪي قرض خطرناڪ حد تائين وڌڻ جو تاثر غلط آهي، سي پيڪ منصوبو شفافيت وارو آهي ۽ ان جي پارلياماني نگراني به جاري آهي، بجلي جي منصوبن ۽ ٽيرف جي معلومات نيپرا وٽ دستياب آهي.

اهڙو اظهار هن سي پيڪ بابت وزيراعظم جي خاص معاون خالد منصور سان گڏ پريس ڪانفرنس کي خطاب ڪندي ڪيو. وفاقي وزير چيو ته سي پيڪ منصوبن جي معلومات ڪيترائي ڀيرا پارليامينٽ ميمبرن کي ڏئي چڪا آهيون، بجلي جي منصوبن ۽ ٽيرف جي معلومات نيپرا وٽ موجود آهي، چين ڪيترائي منصوبا گرانٽ جي شڪل ۾ ڏنا آهن. هن پاڪستان جي قرضن جي حوايل سان هڪ آمريڪي ٿنڪ ٽينڪ جي رپورٽ کي رد ڪندي واضح ڪيو ته اهو تاثر غلط آهي ته سي پيڪ جي ڪري اسان جا قرض خطرناڪ حد تائين وڌيا آهن.

هن چيو ته پاڪستان سيڙپڪاريءَ جي حوالي سان چين کي سي پيڪ تحت منصوبن جي اها آڇ ڪئي جيڪا ٻي دنيا کي ڪئي وئي، چين جا قرض پاڪستان جي مجموعي قرض جو 10 سيڪڙو آهن، پرڏيهي قرضن جي حساب سان چين جو قرض 26 سيڪڙو آهي. اسد عمر چيو ته ڄاڻايل رپورٽ ۾ سي پيڪ قرض کي ڳجهو قرض چيو ويو آهي. هن واضح ڪيو ته سي پيڪ ۾ ڪوبه ڳجهو قرض ناهي ۽ نه ئي اسان جي علم ۾ اهڙي ڳالهه آهي، جڏهن ته حڪومت طرفان قرضن لاءِ خودمختيار گارنٽي ڏني وئي، سي پيڪ تي گڏيل پارلياماني ڪميٽيءَ سميت ٻنهي ايوانن جون ڌار ڌار ڪميٽيون آهن ڪنهن به منصوبي تي جن ۾ توانائيءَ جا منصوبا پڻ شامل آهن، معلومات ڏيندا رهيا آهيون. خودمختيار گارنٽي حڪومت ڏيندي آهي ۽ اهو ڪو ڳجهو قرض ناهي. ڪيترائي منصوبا حڪومت نجي شعبي ذريعي خودمختيار گارنٽي سان مڪمل ڪندي آهي. هن رپورٽ ۾ مهانگي قرض جي ڳالهه ڪئي وئي آهي جڏهن ته اصل صورتحال اها آهي ته قرض جي شرح تي وياج جي شرح 4 سيڪڙو آهي، ڊگهي مُدي وارا قرض ان ۾ وڌيڪ آهن ۽ ان جي وياج جي سراسري شرح 4.25 سيڪڙو آهي. حڪومت کي ڏنل گرانٽ جي وياج جي سراسري شرح 2 سيڪڙو ٺهي ٿي.

وفاقي وزير اسد عمر چيو ته پاڪستان آءِ ايم ايف پروگرام جو حصو آهي، آءِ ايم ايف پروگرام جو حصو هئڻ تي سي پيڪ جا تفصيل فراهم ڪيا ويا آهن. آمريڪي ٿنڪ ٽينڪ رپورٽ ۾ چيو ويو ته سي پيڪ منصوبن ۾ شفافيت ناهي جيڪو قطعي طور دُرست تاثر ناهي. اسد عمر چيو ته ڪجهه حلقن جي خواهش آهي ته سي پيڪ منصوبو ڪامياب نه ٿئي پر اها سندن خواهش پوري نه ٿيندي، اهو وڏو منصوبو شفاف انداز ۾ خوش اسلوبيءَ سان اڳيان وڌي رهيو آهي. وفاقي وزير چيو ته سي پيڪ جا ڪجهه منصوبا ڪورونا سبب دير جو شڪار ٿيا آهن. هن چيو ته دنيا افغانستان سان معاشي ناتا رکي ۽ افغانستان جي استحڪام لاءِ اڳيان وڌي. هن چيو ته سي پيڪ هڪ عظيم منصوبو آهي جنهن ۾ ٻين ملڪن جي شرڪت جي آجيان ڪئي ويندي.

مضمون کا ماخذ : سلور لائونیس 4x ضرب

متعلقہ مضامین