اليڪٽرانڪ ووٽنگ مشين سان ڌانڌلي جا سمورا رستا بند ٿي ويندا: وزيراعظم

APP61-181121 ISLAMABAD: November 18 Prime Minister Imran Khan addressing at the launching ceremony of online power of attorney for Overseas Pakistanis. APP

اسلام آباد – 18 – نومبر (اي پي پي) وزيراعظم عمران خان چيو آهي ته اليڪٽرانڪ ووٽنگ مشين سان ڌانڌلي جا سمورا رستا بند ٿي ويندا، پراڻي ڪرپٽ نظام مان فائدو کڻندڙ ملڪ ۾ تبديلي نه ٿا چاهين، مخالف ڌر پارليامينٽ ۾ ڊرامو ڪيو، ساليانو 30 ارب ڊالر موڪليندڙ ٻاهرئين ملڪ رهندڙ پاڪستاني اسان جو سڀ کان وڏو اثاثو آهن، مخالف ڌر انهن جي ووٽ جي حق جي مخالف ڇو آهي، ٻاهرئين ملڪ رهندر پاڪستاني به هاڻي پاڪستان جي جمهوري عمل جو حصو بڻجي ويا آهن، ووٽ جو حق ملڻ سان ٻاهرئين ملڪ رهندڙ 90 لک پاڪستاني پنهنجي راءِ جو حق استعمال ڪري سگهندا، پاور آف اٽارني جي آن لائين تصديق ۽ جاري ڪرڻ سان هزارين پاڪستانين کي فائدو ٿيندو، ٽيڪس چوري روڪڻ جي لاءِ ايندڙ هفتي کان ملڪ ۾ ٽريڪ اينڊ ٽريس سسٽم آڻينداسين. اهڙن خيالن جو اظهار هن سمنڊ پار پاڪستانين جي سهولت لاءِ ڊيجيٽل پورٽل شروع ڪرڻ واري تقريب کي خطاب ڪندي ڪيو. تقريب ۾ پرڏيهي وزير شاهه محمود قريشي، وزيراعظم جي خاص معاون شهباز گل، اطلاعات ۽ نشريات واري مملڪتي وزير فرخ حبيب ۽ نادرا جي چيئرمين طارق ملڪ پڻ شرڪت ڪئي. وزيراعظم چيو ته پاور آف اٽارني حاصل ڪرڻ ٻاهرئين ملڪ پاڪستانين جي لاءِ وڏو مسئلو هو، 75 هزار پاڪستانين کي ان پاور آف اٽارني جي عمل مان هر سال گذرڻو پوندو آهي، ڊيجيٽل پورٽ شروع ٿيڻ سان اوورسيز پاڪستانين جي لاءِ سهولت پيدا ٿيندي، 2019ع ۾ قبرص کان هڪ پاڪستاني شهري عرفان علي پاور آف اٽارني حاصل ڪرڻ جي مشڪل مرحلي طرف نشاندهي ڪئي هئي، جنهن کانپوءِ ان تي ڪم شروع ٿيو ۽ نادرا جو ايڪٽ به تبديل ڪيو ويو، خوشي آهي ته سمنڊ پار پاڪستانين جي لاءِ اڃا وڌيڪ آساني پيدا ڪئي آهي. وزيراعظم چيو ته ٻاهرئين ملڪ رهندڙ پاڪستاني پورهيت آهن ۽ انهن جي مٽاسٽا جي ناڻي سان ئي ملڪ هلي رهيو آهي، اهي هر سال 30 ارب ڊالر ملڪ ۾ موڪلين ٿا، ان کان اڳ جانشيني سرٽيفڪيٽ حاصل ڪرڻ جي لاءِ جديد ٽيڪنالاجي جو استعمال ڪيو ويو هو ۽ هاڻي پاور آف اٽارني جنرل حاصل ڪرڻ جي لاءِ سهولت فراهم ڪرڻ حڪومت جو ٻيو وڏو قدم آهي. وزيراعظم چيو ته ڪرڪيٽ جي ڏينهن ۾ به ٻاهرئين ملڪ رهندر پاڪستانين سان سندس رابطو رهندو هو، اڪثر پاڪستاني مجبوري جي صورت ۾ ٻاهرئين ملڪ وڃن ٿا، انهن کي ملڪ جو وڌيڪ قدر هوندو آهي ۽ اهي چاهين ٿا ته ملڪ ترقي ڪري، اوورسيز پاڪستانين کي سڀ کان وڌيڪ محب وطن سمجهان ٿو، ملڪ ۾ جڏهن به ٻوڏ يا زلزلو آيو ته انهن دل کولي تعاون ڪيو، شوڪت خانم اسپتال جي لاءِ ٻاهرئين ملڪ رهندڙ پاڪستانين دل کولي تعاون ڪيو، منهنجي دل ۾ اوورسيز پاڪستانين جي لاءِ خاص مقام آهي، اهي ملڪ جو قيمتي اثاثو آهن، ان اثاثي مان جيڪڏهن اسان فائدو کڻون ته اسان کي آءِ ايم ايف کان قرض وٺڻ جي ضرورت ئي نه پوندي، ماضي ۾ ٻاهرئين ملڪ رهندڙ پاڪستانين جي لاءِ آسانيون پيدا ڪرڻ بدران مشڪلاتون وڌايون ويون، اسان جي سسٽم ۾ ڪرپشن آهي ۽ اهي جنهن نظام جا عادي آهن اتي ڪرپشن نه آهي، ان لاءِ اهي پاڪستان ۾ سيڙپڪاري ڪرڻ اچن به ٿا ته واپس هلي وڃن ٿا. وزيراعظم چيو ته ٻاهرئين ملڪ رهندڙ پاڪستاني ملڪ ۾ جائيداد خريد ڪن ٿا ته ان تي قبضو ٿي وڃي ٿو، بدقسمتي سان سڀ کان قيمتي اثاثي کي اها سهولت نه ڏني وئي جنهن جي اها حقدار آهي. هن چيو ته اسان جي حڪومت جي دور ۾ سمنڊ پار پاڪستانين 30 ارب ڊالر جو رڪارڊ مٽاسٽا جو ناڻو موڪليو آهي جنهن تي انهن جا ٿورا مڃون ٿا. هن چيو ته بدقسمتي سان ملڪ ۾ پرڏيهي سيڙپڪاري ۾ اضافو نه ٿي سگهيو ۽ سمنڊ پار پاڪستانين کي جيڪي خدمت فراهم ڪرڻ گهرجن ها اهي نه ڪيون ويون، موجوده حڪومت سمنڊ پار پاڪستانين کي سهولتن جي فراهمي لاءِ پرعزم آهي، پاڪستاني سفارتخانن کي هدايتڪ ئي وئي آهي ته سعودي عرب، گڏيل عرب امارات، وچ اوڀر ۽ ٻين ملڪن ۾ رهندڙ پاڪستانين جو خاص خيال رکيو وڃي، هاڻي ان مقصد جي لاءِ پورٽل پڻ ٺاهيو ويو آهي جنهن جي ذريعي اهي پرڏيهي وزير سان رجو به ڪري سگهن ٿا. وزيراعظم چيو ته خوشي آهي ته سمنڊ پار پاڪستانين کي پاڪستان جي جمهوري عمل ۾ شامل ڪيو ويو آهي ۽ ووٽ جو حق ملڻ جو انهن کي فائدو اهو آهي ته هر حڪومت مجبور ٿي ويندي ته اها انهن جي قدر ڪري ۽ انهن جي لاءِ آسانيون پيدا ڪري، جمهوريت ۾ ووٽ جي ذريعي ڪنهن به حڪومت جي ڪارڪردگي کي جانچي سگهجي ٿو، ٻاهرئين ملڪ رهندڙ 90 لک پاڪستاني ووٽ جو حق استعمال ڪري سگهندا. وزيراعظم چيو ته اي وي ايم مشينن بابت بل جي منظوري تي خوشي آهي، نادرا ٽيڪنالاجي ذريعي آساني پيدا ڪئي آهي، انساني تاريخ ۾ ٽيڪنالاجي جيتري تيزي سان تبديلي هاڻي آڻي رهي آهي اڳ ۾ نه آئي، ٽيڪنالاجي جي استعمال کان پاسو ڪرڻ احمقاڻي سوچ جو نتيجو آهي، سمجهه ۾ نه ٿو اچي ته مخالف ڌر ٽيڪنالاجي جي استعمال جي ڇو مخالف آهي. هن چيو ته 2008ع ۾ ان وقت جي حڪومت به هڪ ڪميشن ٺاهي هئي جنهن اي وي ايم مشينن جي استعمال جي تجويز ڏني هئي، اي وي ايم مشينن سان ڌانڌلي جا سمورا رستا بند ٿي ويندا. وزيراعظم چيو ته گذريل چونڊن ۾ 15 لک ووٽ ضايع ٿي ويا هئا، جيڪڏهن اليڪٽرانڪ ووٽنگ مشينن جو استعمال ٿئي ها ته اهي ووٽ ضايع نه ٿين ها. وزيراعظم چيو ته هن ڪرڪيٽ ۾ سڀ کان پهرين غيرجانبدار امپائر آڻڻ جي ڳالهه ڪئي هئي ۽ پاڪستان اهو پهريون ملڪ آهي جيڪو غيرجانبدار امپائر کڻي آيو، اسان شفاف چونڊن جي لاءِ سينيٽ ۾ به اوپن بيلٽنگ جو مطالبو ڪيو ڇو ته سينيٽ جي چونڊن ۾ ووٽن جي خريد ۽ وڪرو ٿئي ٿو ۽ 30 سالن کان پئسو هلي رهيو آهي پر ٻئي پارٽيون ان جي خلاف ٿي ويون. وزيراعظم چيو ته مخالف ڌر پارليامينٽ ۾ ڊرامو ڪيو، هڪ طرف ڪرپٽ اسٽيٽس ڪو آهي ته ٻئي طرف اسان ملڪ کي اڳتي وٺي وڃڻ جي لاءِ ڪوششون ڪري رهيا آهيون، مخالف ڌر سمنڊ پار پاڪستانين کي ووٽ جو حق ڏيڻ جي ڇو مخالف آهي؟ انهن پاران موڪليو ويندر مٽاسٽا جو نانو ته انهن کي قبول آهي پر ووٽ جو حق ڏيڻ جي مخالفت ڪن ٿا، هاڻي انهن کي ووٽ جو حق ملندو ۽ انهن کي وڌيڪ سهولتون به فراهم ڪيون وينديون. وزيراعظم چيو ته پراڻي ڪرپٽ نظام مان فائدو کڻندڙ تبديلي جا مخالف آهن، يوٽيلٽي اسٽورز جي نظام کي ڪمپيوٽرائيزڊ ڪرڻ جي ڪوشش ڪئي وئي ته ان جا ملازم منع نامو وٺي آيا، ايف بي آر ۾ ويٺل ماڻهو ئي ان جي نظام کي ڪمپيوٽرائيزڊ نه ٿا ٿيڻ ڏين، حڪومت وٽ ٽيڪس جو پئسو نه ٿو اچي پر ٽيڪس جمع ڪندڙ تمام گهڻو پئسو ٺاهي وٺن ٿا، سيمنٽ، کنڊ ۽ سگريٽ جو اربين رپين جو وڪرو ٿئي ٿو پر ٽيڪس نه ٿو ڏنو وڃي، ٽريڪ اينڊ ٽريس سسٽم سان ٽيڪس چوري جو خاتمو ٿيندو، ايندڙ هفتي ٽريڪ اينڊ ٽريس سسٽم ملڪ ۾ متعارف ڪرائي رهيا آهيون.

مضمون کا ماخذ : کمپیوٹر لاٹری آن لائن

متعلقہ مضامین