تعليم ڪنهن به ملڪ جي انساني ۽ سماجي اقتصادي ترقي جو هڪ اهم جز آهي: صدر

APP41-211221 ISLAMABAD: December 21 - Chairman National Commission for Human Development (NCHD), Col (Retd) Dr Amirullah Marwat presenting the Annual Report of the National Commission for Human Development to President Dr Arif Alvi at Aiwan-e-Sadr. APP

اسلام آباد – 21 ڊسمبر (اي پي پي) صدر ڊاڪٽر عارف علوي چيو آهي ته تعليم ڪنهن به ملڪ جي انساني ۽ سماجي اقتصادي ترقي جو هڪ اهم جز آهي، تعليمي ادارن ۾ شاگردن جو انگ وڌائڻ ۽ مدرسن جي شاگردن کي ڪمپيوٽر لٽريسي سميت فني تعليم به ڏيڻ جي ضرورت آهي. اهڙن خيالن جو اظهار هن ايوان صدر ۾ نيشنل ڪميشن فار هيومن ڊيولپمينٽ (اين سي ايڇ ڊي) جي چيئرمين ڪرنل (ر) ڊاڪٽر اميرالله مروت سان ڳالهائيندي ڪيو جنهن کيس انساني ترقي بابت قومي ڪميشن جي سالياني رپورٽ پيش ڪئي. اين سي ايڇ ڊي جي چيئرمين صدر کي آگاهه ڪيو ته ڪميشن پرائمري تعليم تائين پهچ کي بهتر بڻائي رهي آهي، خواندگي جون مهارتون فراهم ڪري رهيا آهيون ۽ ڪميونٽي جي شرڪت کي فروغ ڏيڻ کانسواءِ انتظامي صلاحيتن کي فروغ ڏئي رهيا آهيون. هن چيو ته ڪميشن ٽن رخي حڪمت عملي يعني يونيورسل پرائمري ايجوڪيشن، ايڪسلريٽيڊ لرننگ پروگرام ۽ ايڊلٽ لٽريسي پروگرام اختيار ڪري خواندگي کي فروغ ڏئي رهيا آهيون. سندس وڌيڪ چوڻ هو ته ڪميشن انهن ٻارن کي تعليم فراهم ڪري ديني تعليمي ادارن کي مرڪزي ڌارا ۾ آڻڻ جي لاءِ ڪوششون ڪري رهي آهي جيڪي ڪڏهن اسڪول ويا ئي نه ويا يا ڇڏي چڪا هئا. صدر انساني ترقي کي فروغ ڏيڻ جي حوالي سان نيشنل ڪميشن فار هيومن ڊيولپمينٽ جي ڪارڪردگي ۽ خدمتن کي ساراهيو. هن احساس پروگرام ۽ انساني ترقي بابت قومي ڪميشن (اين سي ايڇ ڊي) پاران مستحق خاندانن جي احساس وسيله تعليم پروگرام تحت ٻارن کي اسڪولن ۾ داخل ڪرڻ جي حوصلا افزائي جي لاءِ تعاون کي پڻ ساراهيو.

مضمون کا ماخذ : لاٹری ٹکٹ کے نتائج

متعلقہ مضامین